Açıq Cəmiyyət İnstitutu – Yardım Fondu 2008-ci il üçün illik hesabatını təqdim edib. Fondun icraçı direktoru Fərda Əsədov fevralın 25-də Azərbaycan Media Mərkəzində keçirilən təqdimatda deyib ki, 2008-ci ildə fondun qrant, əməliyyat layihələri və digər fəaliyyətlərə 3.224.718 dollar vəsait sərf edilib. “Bu vəsaitin 2.239.539 dolları 250 layihənin dəstəklənməsinə, 593.490 dolları əməliyyat layihələrinə, 391.689 dolları inzibati xərclərə sərf olunub”.İcraçı direktor onu da bildirib ki, qrantların 24 faizini səhiyyə, 3 faizini Şərq-Qərb, 7 faizini təhsil, 5 faizini mədəniyyət, 2 faizini gənclər, 2 faizini informasiya, 9 faizini hüquq, 8 faizini yerli özünüidarə, 7 faizini KİV, 18 faizini neft gəlirləri və ictimai vəsaitin şəffaflığı, 5 faizini qadın, 10 faizini vətəndaş cəmiyyəti proqramları təşkil edib. F.Əsədovun 2009-cu ildə də fondun büdcəsinin eyni səviyyədə qalacağını vurğulayıb. 

MQF XƏBƏR